Baritoni kosovar që promovon të bukurën në skenat operistike
Interpretimi në opera tashmë është përditshmëri për të. Këto ditë, deri në orën 18:00, është i angazhuar në prova në konservatoriumin e Firences, “Luigi Cherubini” , shkruan sot “Koha Ditore”. Është pjesë e kastës në operën “Le convenienze ed inconvenienze teatrali” të Donizettit.
Në një bisedë për gazetën, pas orarit të provave, baritoni Hoxha – i cili që prej moshës 13-vjeçare i është përkushtuar në tërësi muzikës klasike – tregon se si ka arritur të marrë role kryesore në opera me nam. Artin e konsideron si diçka që i bën njerëzit ta dinë se dallojnë nga qeniet e tjera.
“Ne jemi popull artdashës dhe kemi pasur kulturë të madhe”, thotë ai derisa flet për vendlindjen me të cilën ka kohë që ka krijuar një distancë shkaku i profesionit.
