UEFA dënon skuadrën nga Mali i Zi në ndeshjen kundër Llapit

Klubi i Buduçnostit është dënuar nga UEFA lidhur me organizimin e ndeshjes së parë ndaj Llapit, në kuadër të raundit të parë kualifikues në Ligën e Konferencës.

Ndeshja e parë mes këtyre dy skuadrave ishte zhvilluar më 7 korrik, në Podgoricë – derisa ishte fituar nga vendasit me rezultatin 2:0.

UEFA ka njoftuar këtë të premte se klubi nga Mali i Zi është dënuar me gjobë prej 20 mijë eurosh.

Gjithashtu, Buduçnosti do të urdhërohet për mbylljen e pjesshme të stadiumit.

Vendimet e plota nga UEFA:

– Të gjobisë FK Budućnost Podgorica me 20,000 € dhe të urdhërojë mbylljen e pjesshme të stadiumit të FK Budućnost Podgorica gjatë një (1) ndeshjes së ardhshme të garës së UEFA-s në të cilën FK Budućnost Podgorica do të luajë si klub pritës, për sjelljen raciste të mbështetësve të saj.

FK Budućnost Podgorica do t’i komunikojë UEFA-s, përpara ndeshjes, sektorin(et) që do të mbyllen, të cilët do të përfshijnë tribunën veriore dhe do të përbëhen nga të paktën 3,000 vende.

– Të urdhërojë FK Budućnost Podgorica të zbatojë direktivën e mëposhtme në ndeshjen e ardhshme të garave të UEFA-s që do të luajë si klubi pritës: të vendosë një baner me shkrimin “#NoToRacism”, me logon e UEFA-s mbi të.

– Të gjobisë FK Budućnost Podgoricë me 10.125 euro për hedhjen e sendeve.

– Të gjobitet FK Budućnost Podgoricë me 5250 euro për ndezjen e fishekzjarreve.

– Të paralajmërojë FK Budućnost Podgorica për sjellje të pahijshme të ekipit.