Ozil transferohet në Istanbul Başakşehir
Futbollisti i njohur, Mesut Ozil, pasi u largua nga Fenerbahce, karrierën do ta vazhdojë sërish në futbollin turk.
Ai është zyrtarizuar nga klubi İstanbul Başakşehir, që po ashtu luan në elitën e futbollit turk.
Başakşehir fillimisht postoi një deklaratë të presidentit të klubit, Goksel Gumusdag që e kishte thënë për Mesut Ozilin në vitin 2018.
“Mesut Özil është një futbollist shumë i mirë dhe i vlefshëm. Shpresoj që një ditë rrugët e Mesut Ozil dhe klubit tonë të kryqëzohen”, ishin fjalët e tij.
Këto fjalë u shkruan në postimin e parë të bërë nga llogaria e Başakşehir në rrjetet sociale.
Më pas, Başakşehir ka njoftuar për transferimin e Mesut Ozil me një këngë të Tarkan.
