Flet trajneri i Llapit, Tahir Batatina – Tregon se si u sulmuan nga tifozët në Podgoricë në ndeshjen e Conference League

Skuadra e Llapit nuk e ka filluar si duhet aventurën e re në Conference League.

Djelmoshat e trajnerit Tahir Batatina u mposhtën në Podgoricë nga skuadra e ligës së parë atje, Buducnost me rezultatin final në 2:0, shkruan Periskopi.

Fotografi nga stërvitjet e klubit të Llapit

Llapi ishte pa fat pasi në minutën e 30 të takimit mbeti pa një lojtar në fushë, kjo pasi braziliani, Binaor u ndëshkua me karton të kuq.

Por, përvç rezultati zhgënjyes, Llapi u sulmuan edhe nga tifozët vendas.

Banka rezerve e Llapit u gjuajtën me shishe dhe gjësende të forta nga tifozët e klubit nga Mali i Zi.

Madje të njëjtit fyen dhe ofenduan në kor shqiptarët.

Për këtë moment për Periskopin ka folur edhe trajneri Tahir Batatina i cili tha se raportimet janë të vërteta lidhur me këtë incident.

Momenti kur tifozët vendas sulmuan lojtarët e klubit të Llapit në bankën rezervë

“Po, është shumë e vërtetë gjatë tërë kohës jemi sha dhe ofenduar nga tifozët vendas, jo si Llap por si shqiptarë dhe kjo më ka brengosur shumë. Na kanë gjuajtur edhe me shishe në bankën rezerve. Por ne duhet të mobilizohemi me datën 14 të mposhtin klubin e Buducostit, kjo nëse kemi mbështetjen e gjithë shqiptarëve”, tha Batatina për Periskopin.

Tahir Batatina duke i dhënë instruksione lojtarëve të tij

Kujtojmë se skuadra nga Mali i Zi, FK Buducnost Podgorica ishte kampion i ligës së parë atje.

Ndërkaq, Llapi është kampion i Kupës së Kosovës për të dytën herë me radhë./Periskopi/