Messi flet pas triumfit me Argjentinën: Ne nuk jemi favoritë të Kupës së Botës, por do të luftojmë kundër kujtdo

Leo Messi dhe Argjentina e tij e ka fituar mbrëmë trofeun ”Finalisima” ndaj Italisë.

Me rezultati 0:3 dhe një paraqitje fantastike nga Leo Messi, Argjnetina arrit që ta merr këtë trofe të rëndësishëm, shkruan Periskopi.

Pas ndeshjes ka folur edhe Messi, i cili u pa shumë i lumtur pas këtij triumfi.

“Ajo që përjetuam këtu ishte e bukur”, tha Messi.

“Ne e dinim se do të ishte një lojë e bukur dhe një mjedis i bukur për të qenë kampionë”.

“Ne vazhdojmë të rritemi, kjo është ajo që kërkojmë. Ne po punojmë çdo ditë për t’u përmirësuar më tej. Vazhdojmë të themi se nuk jemi favoritët kryesorë, por do të luftojmë kundër kujtdo, sepse ky grup është shpresëdhënës, ka synime të qarta. Ne duhet të vazhdojmë të përmirësohemi. Tani kemi ndeshje të rëndësishme në shtator, duhet të punojmë dhe të përmirësohemi në mënyrë që të arrijmë në mënyrën më të mirë të mundshme në debutimin tonë në Kupën e Botës”, tha ai.