Nuk dorëzohet Interi, vazhdon garën për titull, fiton në udhëtim te Udinese

Interi ka shënuar fitore ndaj Udineses në ndeshjen e javës së 35-të në Serie A.

Ndeshja e zhvilluar sonte në “Daci Arena” ka përfunduar me rezultatin 1:2.

Ivan Perisic (12′) dhe Lautaro Martinez (39′) shënuan golat e fitores për “Nerazzurrët”.

Ignacio Pusseto (72′) shënoi golin e vetëm për vendasit.

Interi pas kësaj fitore ka 75 pikë dhe renditet i dyti në tabelë, me dy pikë më pak se lideri Milani.

Udinese me 42 pikë ndodhet në pozitën e 12-të.