Klopp me deklaratën e madhe para ndeshjes me Villarrealin: Juventusi dhe Bayerni i nënvlerësuan ata, ne nuk e bëjmë

Trajneri i Liverpoolit Jurgen Klopp ka folur para mediave për ndeshjen e parë gjysmëfinale ndaj Villarrealit që zhvillohet këtë të mërkure.

Ndonëse Villarreali mposhti Juventusin dhe Bayernin në këtë kompeticion, Klopp tha se skuadra e tij nuk do ta nënvlersojë kundërshtarin siç bën skuadrat paraprake, shkruan Periskopi.

“Ne e analizuam Villarrealin në detaje, sigurisht. Unë kisha shumë respekt për Unai Emery dhe Villarreal, por tani që mund t’i shoh ata siç duhet të jenë… Wow! Ai është një trajner i fiksuar pas detajeve dhe me qasje të ndryshme ndaj lojës. Ndaj Juventusit dhe Bayernit kishin një avantazh sepse i nënvlerësuan, por ne nuk do ta bëjmë”, siguroi trajneri gjerman.

“Kemi nevojë për një ambient fenomenal dhe një shfaqje të shkëlqyer. Do të ketë raste kur ne do të duhet të dimë se si të vuajmë, por do t’i bëjmë edhe ata të vuajnë”, përfunoi Klopp.