E konfirmon edhe Guardiola: Dy futbollistë të Cityt në dyshim për ndeshjen me Real Madridin
Pep Guardiola ka dhënë disa komente para ndeshjes gjysmëfinale të Champions League.‘Citizens’ do të kenë punë me ‘Mbretërit’ e Evropës në kuadër të gjysmëfinales së Champions League, të martën mbrëma.
Para ndeshjes, City ka disa probleme në skuadër, që kryesisht lidhen me lëndimet. Për disa nga emrat ka folur Pep Guardiola, i cili thotë se gjithçka për fatin e tyre mësohet të martën në mëngjes.
“Të dy Kyle Walker e John Stones janë në dyshim për ndeshjen ndaj Real Madrid”, ka thënë Guardiola.
“Do ta dimë saktë të martën në mëngjes. Ne vendosim më pas nëse rrezikojmë ose jo. Shohim nëse lojtarë si Nathan Ake do të ndjehen më mirë”, shtoi trajneri i City.Manchester City vazhdon të jetë në garë për titullin e kampionit në Premier League si dhe titullin e Champions League.
