Boksieri i madh e humbi shtëpinë në bastin për meçin Fury – Whyte, boksieri britanik ia ofron një zgjidhje
Tyson Fury ka treguar mbrëmë se është mbreti i ringut duke mposhtur kështu boksierin, Dillian Whyte në rundin e gjashtë të meçit.
Whyte u godit nga Fury me një kroshe të cilës nuk arriti t’i qëndrojë në këmbë dhe ra pandjenja në dyshme, shkruan Periskopi.
Para këtij meçi të madh, boksieri i njohur Derek Chisora kishte vendosur shtëpinë e tij në bast, për Dillian Whyte që do ta nokautonte Furyn, por i ndodhi e kundërta.
“Vë bast shtëpinë time, Dillian nokauton Tyson Furyn”, tha Chisora për talkSPORT.
Ndërkaq, pas triumfit Fury ironizoi me të, ku tha se ndihet keq që boksieri ka mbetur pa shtëpi dhe e ftoi atë të banonte afër tij, në një shtëpi të blerë nga Fury.
“Derek Chisora tani është i pastrehë, më vjen keq për të gjithë, ai humbi shtëpinë e tij nga Joseph Parker, kaq i pafat,” u tha ai gazetarëve. Megjithatë, ai i ofroi Chisora të vetmit njeri që është përballur me Furyn dhe Whyte – një zgjidhje për problemin e tij.
“Dhe Derek, unë kam një shtëpi pranë shtëpisë sime në Morecambe, je i mirëpritur në të në çdo kohë vëlla,” vazhdoi ai. “Por morali i historisë nuk është kurrë të vini bast shtëpinë tuaj për diçka nëse nuk jeni një milionë për qind i sigurt dhe nuk mund të jeni kurrë i sigurt në kategorinë e peshave të rënda”, tha ai.
