Drita është në finale të Kupës së Kosovës
Skuadra e Dritës ka barazuar me Ramiz Sadiku në udhëtim me rezultatin 2:2.
Megjithatë ky barazim nuk ka ndikuar shumë tek skuadra e Dritës, pasi ekipi i Nuhiut ka siguruar finalen e madhe të Kupës së Kosovës.
Drita ka mposhtur Ramiz Sadikun në ndeshjen e parë me rezultatin 3:0 dhe u kualifikua me rezultatin e përgjithshëm 5-2.
Armend Misini dhe Granit Musa shënuan për Ramiz Sadikun sot, kurse Ardit Tahiri dhe Almir Kryeziu shënuan për Dritën.
Drita do të takohet në finale me fituesin e duelit Llapi – Prishtina.
