Januzaj transferohet tek skuadra e madhe italiane?

Lojtari me origjinë nga Kosova, por që aktualisht është pjesë e Kombëtares belge në futboll, e njëkohësisht edhe pjesë e klubit spanjoll, Real Sociedad pritet të ndërrojë skuadër, përcjell Reporteri.net.

Bëhet fjalë për Adnan Januzajn i cili mundet të transferohet në afatin e verës tek skuadra italiane, Napoli.

Ndërkaq, agjenti i lojtarit, i cili është Mino Raiola ka transferuar shumë lojtarë në Serie A, ku aktualisht menaxhon edhe sulmuesin e Suedisë, Zlatan Ibrahimoviç.

Anën tjetër, Januzaj sipas “Calciomercato” ka pranuar të jetë pjesë e Napolit.

Andaj, Raiola ua ka ofruar Napolit lojtarin me origjinë nga Kosova, ku në bazë të asaj çfarë raportohet në mediat italiane lojtari i Sociedad me shumë gjasa do të jetë pjesë e Napolit.

Sipas asaj që raporton ‘Tuttomercatoweb”, mundësitë për konkretizimin e transferimit janë, por Napoli duhet të bëjë zgjedhjen mes Januzajt dhe lojtarëve të tjerë që kërkon, për të zgjedhur sulmuesin e radhës në skuadrën e drejtuar nga Lucciano Spalletti.