Milani edhe Interi e kanë planin për stadiumin e ri, do të jetë jashtë Milanos

Dy skuadrat që zhvillojnë garat në stadiumin e njëjtë, Milani dhe Interi e kanë planin për stadiumin e ri.

Projeki i tyre thotë që stadiumi të ndërtohet jashtë qyteti të Milanos, shkruan Periskopi.

Ka pasur raporte për një projekt alternativ për një stadium jashtë Milanos, në qytetin e Sesto San Giovanni. Kryebashkiaku konfirmoi projektin disa javë më parë dhe si Interi ashtu edhe Milani kanë konfirmuar tani se mund të vendosin të largohen nga qyteti i Milanos.

“Prisja diçka më të shpejtë, veçanërisht duke pasur parasysh që jemi në Milano”, tha presidenti i Milanit Paolo Scaroni për Tutti Convocati.

“Stadiumi i ri është për të gjithë, jo vetëm për tifozët. Megjithatë, ne jemi të vetëdijshëm se burokracia në Itali nuk është e dobishme. Interi dhe Milani kanë të njëjtin vizion dhe ambicie. Një stadium i ri është një përbërës themelor për një qytet si Milano.

“Problemi është se ky projekt i përket Interit dhe Milanit dhe jo bashkisë së Milanos. Një nga arsyet që kërkojmë alternativa jashtë qytetit është se projekti do të ishte më i shpejtë. Ne jemi në nxitim për të pasur një stadium të ri”, tha ai.