Gerrard lavdëron Xavin: Ai ka ADN’në e Barçës
Trajneri i Aston Villas, Steven Gerrard, mori pjesë në ndeshjen mes legjendave të Liverpoolit dhe Barcelonës.
Pas ndeshjes, reprezentuesi anglez foli për mediat Blaugrana dhe la lëvdata të mëdha për Xavi Hernandez.
“Punësimi i Xavi ishte një goditje gjeniale. Ai është dikush që ka qenë një lojtar i klasit botëror për disa vite dhe ka ADN-në e klubit të ndërtuar në të. Ai e njeh stilin e lojës që të gjithë duan të shohin në Barcelonë dhe pas disa vitesh të vështira po e çon klubin në nivelin që të gjithë duan”, tha Steven Gerrard.
Kujtojmë se Xavi mbërriti te Barcelona në mesin e këtij sezoni. Në 25 ndeshje ai arriti 14 fitore, shtatë barazime dhe katër humbje, rezultate që e dërguan Barcën në çerekfinale të Europa League dhe pozicionim aktual në vendin e 3’të të La Liga’s.
