Fabregas ia “vë pikën”: PSG nuk ka pasur asnjëherë një lojtar si Messi, ta trajtojnë si duhet
Cesc Fabregas, sikur shumë të tjerë që e duan futbollin, ka mbetur i pakënaqur me sjelljen e tifozëve të PSG në raport me Lionel Messin.
Eliminimi i PSG nga Champions League ka bërë që tifozët e PSG të jenë të mllefosur me lojtarët e skuadrës.Një nga ata që e pësoi ishte edhe Lionel Messi, i cili pranoi shumë vërshëllima.
Cesc Fabregas beson se Messi nuk duhet të pranojë aso sjellje, pasi tifozët parisienë kurrë në jetën e tyre nuk kanë pasur një lojtar si ai në skuadër.
“Unë jam vërshëllyer në ‘Camp Nou’. E di çfarë ndodhi me PSG. Tifozët donin të krijonin moment tensioni me lojtarët”, ka thënë Fabregas.“Gjatë ndeshjes të mbështesin, kur këndojnë emrin tënd, perfekt, por çfarë pash më herët, vërshëllima kur prekin topin – ato janë të shpifura”, shtoi ai, në kohën kur ndodhi incidenti.Kurse, së fundmi, spanjolli ua kujtoi tifozëve se ata kurrë nuk kanë pasur një lojtar sikur ai në skuadër.
“Po flasim për lojtar si Messi, që sapo ka arritur. PSG kurrë nuk ka parë një lojtar si ai”, ishin fjalët e Cesc.Messi aktualisht është i grumbulluar me Argjentinën dhe po kalon një moment të shkëlqyer në kuadër të kualifikueseve.
