“Si një zonjë e vërtetë” – Ukrainasja fiton medaljen e artë në kërcim së larti: Është për vendin tim
Atletja ukrainase, Yaroslava Mahuchikh ka fituar medaljen e artë në kërcim së larti në Kampionatin Botëror të Atletikës.
20-vjeçarja udhëtoi për tre ditë me makinë për të arritur në Serbi ku edhe po mbahej kjo garë, pasi vendi i saj po pushtohet nga shteti rus, përcjellë Periskopi.
Ajo thotë se këtë sukses ia dedikon familjës dhe vendit të saj Ukrainës.
“Ishte shumë e rëndësishme për mua, familjen time, vendin tim”, tha Mahuchikh për BBC Sport.
“Unë nuk mendoj për konkurrencën, stërvitjen. Për mua ishte e vështirë të vija këtu – tre ditë me makinë – ishte shumë e vështirë psikologjikisht sepse zemra ime mbetet në vendin tim”, vazhdoi atletja.
“Është shumë e vështirë, por mendoj se kam bërë shumë mirë për vendin tim, sepse e mbroj vendin tim në pistë. Mendoj se është një gjë shumë e rëndësishme për vendin tim”, tha ajo.
Ukraine’s Yaroslava Mahuchikh won the World Championship in the high jump for her country today ??
pic.twitter.com/HgklRotczY— Lindsay Crouse (@lindsaycrouse) March 19, 2022
