Lajmet të mira për Bayernin – U diagnostikua me probleme në zemër, Davies kthehet në stërvitje
Më në fund vijnë lajme të mira për ekipin e Nagelsman, ku ylli kanadez, Alfonso Dejvis, është rikthyer sërish në stërvitje pas dy muajsh mungesë.
21-vjeçari rezultoi pozitiv me COVID-19, dhe në janar doli se kishte probleme në zemër për shkak të COVID-it që kaloi.
Kjo gjë i alarmoi bavarezët, të cilët ende nuk e dinin nëse Dejvis do të ishte i gatshëm për tyre deri në fund të sezonit.
Ja që kanadezi duket se i ka harruar të gjitha ato që kaloi dhe tani është gati të ndihmojë Bajernin, i cili ka pasur shumë probleme në fazën mbrojtëse kohët e fundit.
