Ferdinand: Të gjithë ne lavdëruam Kylian Mbappe, por Benzema doli e tha “JO, JO, JO”
Legjenda e Man United, Rio Ferdinad ka komentuar ndeshjen e sotme ndërmjet Realit dhe Parisit, që u mbyll me kualifikim në çerekfinale për madrilenët.
Benzema sonte realizoi “hat-trick” për ta “gjunjëzuar” kështu Parisin, dhe Ferdinand thotë se ai është m9-shi i kompletuar, shkruan Periskopi.
Ish-mbrojtësi tha se të gjithë e lavdëruan Mbappen në pjesën e parë, por Benzema e bëri atë që askush se bëri.
“Të gjithë ne lavdëruam Kylian Mbappe – lojtari më shkatërrues për momentin – por në pjesën e dytë Karim Benzema del dhe thotë ‘jo, jo, jo nuk kam mbaruar akoma!’ Ai godet në një hat-trick. Ka personazhe dinak në atë skuadër të Realit. Shikoni Luka Modric, duke u plakur si një verë e mirë! Por Benzema është numri nëntë më i kompletuar për mua. Ai e bën çdo pjesë të lojës në mënyrë fantastike”, tha Rio Ferdinand për BT Sport.
