Juventusi me një gol të vetëm arrin ta mposht Fiorentinën, i afrohet finales së Kupës së Italisë
Juventusi ka shënuar fitore në ndeshjen e parë gjysmëfinale ndaj Fiorentinas në Kupën e Italisë.
Skuadra e drejtuar nga Massimiliano Allegri shënoi fitore minimale 0:1, në ndeshjen që sonte u zhvillua në “Artemio Franchi”.
Juventusi fitoren e siguroi krejt në fund me anë të autogolit të realizuar nga Lorenzo Venuti në minutat shtesë të takimit.
Ndeshja e kthimit në “Allianz Stadium” do të zhvillohet më 20 prill, kur edhe do të përcaktohet përfundimisht skuadra finaliste.
