Çfarë tregojnë puçrrat për shëndetin tuaj

Sipas mjekësisë kineze, puçrrat shfaqen në fytyrë në momentin që organizmi ynë ka një problem dhe nuk punon siç duhet. Pra, puçrrat dhe aknet nuk janë gjë tjetër veçse reagimi i jashtëm i mosfunksionimit të organeve të brendshme.

Midis vetullave: Puçrrat e shfaqura në këtë zonë janë të lidhura ngushtë me funksionimin e mëlçisë. Duhet të konsumoni sa më pak mish, nënprodukte të qumështit dhe pije alkoolike.

Në ballë: Puçrrat në ballë krijohen si pasojë e problemeve me fshikëzën e urinës dhe tretjen e ushqimit. Ndryshoni sa më parë regjimin ushqimor. Konsumoni fruta, perime, ushqime të pagatuara, përtypuni mirë dhe bëni sa më shumë aktivitet fizik.

Në hundë: Puçrrat e shfaqura në zonën e hundës janë të lidhura ngushtësisht me shëndetin kardiovaskular. Keni problem me qarkullimin e gjakut, bllokim të mundshëm të enëve të gjakut dhe kolesterol të lartë.

Në veshë: Edhe pse mund të duket absurde, puçrrat mund të dalin edhe në veshë. Në këtë rast mund të jenë simptoma të ndonjë shqetësimi në veshka. Për t’i luftuar ato duhet të evitoni kafenë, kripën dhe të pini shumë ujë.

Në mjekër: Puçrrat që shfaqen në mjekër mund të kenë orgjinë të ndryshme. Mund të krijohen si pasojë e problemeve hormonale, stresi apo problemet me stomakun. Konsumoni sa më shumë agrume dhe fruta pylli.

Në qafë dhe kraharor: Puçrrat në këto zona mund të shkaktohen nga stresi dhe infeksione të ndryshme. Nëse vini re se ato ju shfaqen shumë shpesh,bëni mirë të konsultoheni me një mjek.

Në faqe dhe mollëza: Këto puçrra krijohen si pasojë e problemeve në mushkëri. Këshilla më e duhur për duhanpirësit është të reduktojnë konsumin e duhanit. Pini sa më shumë ujë, përdorni kripën e kuqe të Himalajeve, konsumoni fruta të thata dhe merruni me sport, sidomos not.