Man Utd ia hap dyert Ronaldos, mund të largohet gjatë verës

Cristiano Ronaldo mund të largohet nga Manchester United gjatë verës që vjen.

Ylli portugez kështu mund t’i japë fund shumë shpejt eksperiencës së dytë me “Djajtë e Kuq”.

37 vjeçari nuk është i kënaqur me rrjedhën e përvojës së tij në “Old Trafford”, ku nuk ka qartësi në udhëheqësinë e klubit, ndërkohë që ekipi rrezikon të mbetet edhe jashtë Championsit.

Sot qarkulluan zërat se ish-futbollisti i Sporting Lisbonës, Real Madridit dhe Juventusit do ta kërkojë largimin nëse United nuk përfundon në fund në Top 4.

Gjithashtu, në ditët e fundit ai është përplasur me bashkëlojtarin, Harry Maguire rreth shiritit të kapitenit.

E tash, mediat britanike shkruajnë se Man Utd është dorëzuar sa i përket përfaqësuesit portugez.

Mediumi britanik “The Mirror” raporton se klubi nga “Teatri i Ëndrrave” do ta lë të largohet Ronaldon gjatë verës nëse ai dëshiron të largohet, edhe pse ka kontratë.

Spekulohet se portugezi mund të përfundojë në Paris Saint-Germain.

Por, nuk përjashtohet mundësia që ai të përfundojë në ligën amerikane – MLS.