Çudira kosovare: Jep dorëheqje kryesia e KF Arbërisë, klubi i dorëzohet kryesisë së fshatit
Presidenti i klubit Arbëria, Jahir Krasniqi dhe kryesia kanë dhënë dorëheqje nga të gjithë veprimtaritë në këtë skuadër futbolli.
Lajmin e ka zyrtarizuar vetë faqja e klubit përmes një postimi në Facebook, shkruan Periskopi.
Ajo që bie në sy më së shumti në njoftim është se në komunikatë shkruhet ‘klubi i dorëzohet kryesisë së fshatit’, e që është interesante, më e pakta që mund të themi.
Më poshtë, njoftimi i plotë i KF Arbërisë:
Kryesia e KF ARBËRIA jep dorëheqje
Klubi i dorëzohet Kryesisë së fshatit dhe i hapet rrugë klubit që të shëndrrohet në Shoqëri Aksionare, me qëllim të organizimit sa më të mirë të klubit.
KF Arbëria mbetet në pozitat e larta në tabelë, ku nga vendi i parë dallimi është vetëm 3 pikë.
Të interesuarit për të qenë pjesë e klubit në ri-organizim ditëve në vijim mund të paraqiten tek Kryesia e fshatit Dobrajë e madhe, konkretisht tek Kryetari i Këshillit të fshatit Dobrajë e madhe, Skender Gashi.
Kryesia e klubit falemnderon të gjithë ata që e kanë përkrahur klubin që nga themelimi e deri më tani, me theks të veqant grupi e tifozëve “Stuhia e kuqe”.
Kryesia në largim do të jetë e përkushtuar të kalojë të gjitha kompetencat zyrtarisht tek Kryesia në ardhje.
Me respekt!
KF Arbëria
