Çmenduri: dy lojtarë të Vikingut kacafyten gjatë ndeshjes – portieri simulon për ta përjashtuar bashkëlojtarin
Pati skena bizare në Eliteserien të dielën pasdite, derisa dy lojtarë të Vikingut u përplasën gjatë ndeshjes me njëri-tjetrin në fund të takimit kundër Kristiansund.
Kristiansund po fitonte 2-1 në pesë minutat e fundit të kohës së rregullt, transmeton Periskopi.
Por Vikingu përmbysi gjithçka në rrethana dramatike.
Kosovari, Veton Berisha barazoi shifrat në minutën e 88 duke konvertuar nga penalltia.
Sondre Bjorshol pastaj kompletoi rikthimin në minutën e tretë të kohës shtesë për t’i dhënë pikët e plota Vikingut.
Por, në mënyrë bizare, dy lojtarë të Vikingut pastaj u përplasën me njëri-tjetrin pavarësisht se po fitonin.
David Brekalo u fut në një fërkim të nxehtë me portierin e tij, patrik Gunarsson.
Befasisht, pas një shtyerje në gjoks, Gunarsson u shtri në fushë duke mbajtur kokën në ‘agoni’.
Gjyqtari pastaj i tregoi të kuqin Brekalos.
Hva er det som skjer med Viking?! Brekalo angriper egen keeper og blir utvist på overtid. Utrolige scener på tampen! pic.twitter.com/MdyvGQIHfv
— Eurosport Norge (@EurosportNorge) November 28, 2021
Skena të pabesueshme. Imagjinoni të simuloni dhe të ekzagjëroni kontaktin për ta përjashtuar lojtarin tënd me të kuq. /Periskopi.com/
