Pamjet nga lëndimi i Chilwellit kundër Juventusit po i shqetëson të gjithë, dyshohet për diçka shumë serioze
Fansat e Chelseat po presin në ankth për të kuptuar seriozitetin e plotë të lëndimit e Ben Chilwell që po duket shumë i rëndë në ndeshjen e mbrëmshme kundër Juventusit në Champions League.
Djelmoshat e Thomas Tuchelit dhuruan një paraqitje dominuese, duke shkatërruar ‘Zonjën e Vjetër’ 4-0, që nënkuptoi se londinezët tash kanë rrëmbyer vendin e parë në Grupin H nga biankonerët, të cilëve ua shkaktuan humbjen më të rëndë në Evropë në histori të klubit, transmeton Periskopi.
Mirëpo, festimet patën një shije të hidhur pasi Chilwell u largua me ndihmë nga fusha në minutën e 66.
Mbrojtësi i majtë mbeti në dhimbje dhe i shtrirë pas një dueli të fortë me Adrien Rabiot, me pamjet nga afër që i kanë lënë fansat të shqetësuar për një këputje të ligamentit. /Periskopi.com/
Ben Chilwell is injured@FPL_physio @LetsTalk_FPL or anyone else into FPL… looks like it could be ACL pic.twitter.com/t7XgWccy0O
— FPL Acumen (@FPLAcumen) November 23, 2021
