Ndryshimet e humorit: A është nëntori muaji më i zymtë i vitit?

Kanë mbetur pak javë derisa të vijnë festat, por gjatë kësaj kohe duhet ende të përballemi me nëntorin, i cili konsiderohet si një nga muajt më të zymtë, më gri të vitit.

“Nuk ka asgjë për të pritur”

Përtej motit që është përgjithësisht kapriçoz, muaji nëntor nuk ka asgjë emocionuese për të pritur. Në shtator kemi rikthimin e fëmijëve në shkollë, në tetor bota pret Halloëeen-in e ndërsa në dhjetor, festat e fundvitit. Nëse do t’i referoheshim studimeve shkencore, ekspertët e quajnë nëntorin si muaj të gjatë dhe të vakët.

Ora ndryshoi, ditët janë shkurtuar, po bëhet gjithnjë e më ftohtë dhe duhet ende kohë për të marrë pushimet e dimrit. Për një pjesë të mirë të njerëzve, nëntori është muaji më sfidues përsa i përket stresit, ankthit apo depresionit. Një studim danez, i publikuar vitin e shkuar pas kërkimeve të kryera arriti në përfundimin se përmes viteve 1995-2012, numri i njerëzve të diagnostikuar me depresion rritej me 11% çdo nëntor.

Nëntori shënon fillimin e një periudhe të gjatë, me ditë të shkurtra, pak diell dhe mot të ftohtë, ndryshime të cilat ndikojnë tek humori i secilit prej nesh.

Ç’mund të bëni për të mos e ndjerë shumë?

Aktiviteti fizik është arma më e mirë për të përballur luhatjet e humorit në dimër. Një dietë e pasur me fruta, perime, karbohidrata, etj, etj do t’i bënte shumë mirë sistemit tuaj imunitar.

Sigurohuni gjithashtu të ekspozoheni sa më shumë të mundeni në diell. Edhe përgjatë punës, merrni ca minuta pushim për të bërë një xhiro të shkurtër jashtë, kur ka ende diell. Në fund të gjithë kësaj, pavarësisht çfarë thonë studimet, pranojeni që është thjesht nëntor dhe fillimi i një dimri të ri.