Pas Verstappen, vjen dënimi edhe për Hamilton: Britaniku përjashtohet nga kualifikueset e Brazilit
Lewis Hamilton ka pranuar një dënim mjaft të rëndë nga Formula 1.
Kampioni në fuqi është përjashtuar nga kualifikueset e Grand Prix të Brazilit, në pistën e Sao Paulo, përcjell Periskopi.
Piloti i Mercedes është përjashtuar për shkak të shkeljes së rregullave DRS, që më shumë i faturohen skuadrës së tij.
Hamilton ishte i pari në mbrëmjen e së premtes, duke qenë më i shpejtë sesa rivali i tij Max Verstappen, por tashmë gjithçka bie poshtë.
Me dënimin e fundit, nënkuptohet se Hamilton e nis garën e ardhshme nga fundi. Kjo është një goditje e madhe për shpresat e britanikut që ta kapë pilotin holandez, Verstappen.
Kujtojmë se edhe Verstappen u dënua nga Formula 1, pasi ai preku makinën e britanikut, por holandezi u dënua me vetëm 50 mijë euro./ Periskopi/
