Lazio lëshon në fund fitoren ndaj Atalantas, Muriqi luan 10 minuta
Lazio ka lëshuar një fitore të rëndësishme, në një udhëtim mjaft të vështirë në Bergamo.
Skuadra e Lazios nuk arriti më shumë sesa një barazim 2:2, shkruan Periskopi.
Goli i parë në këtë takim u shënua qysh në minutën e 18′, kur Pedro Rodriguez gjeti rrjetën.
Atalanta barazoi pak sekonda para fundit të pjesës së parë, me anë të Zapata, por në pjesën e dytë Lazio shënoi edhe një herë, kësaj radhe me Immobile.
Në këtë ndeshje minuta pati edhe për Vedat Muriqin, i cili u inkuadrua në lojë në minutën e 85′.
9 minuta pasi Muriqi erdhi në fushë, Atalanta arriti të barazonte rezultatin (93′), kur De Roon shënoi me një goditje të saktë.
Ky barazim e çon Atalantan në 19 pikë, kurse Lazio mbetet me 18 sosh. /Periskopi/
