Drita siguron tri pikë të rëndësishme në spektaklin kundër Llapit

Drita ka marrë një fitore të madhe në udhëtim te Llapi 1-3, duke ia ndërprerë serinë fantastike vendasve që kishin tri fitore radhazi.

Ndeshja nisi për mrekulli për mysafirët të cilët vetëm pas katër minutash lojë fituan penallti.

I saktë nga pika e bardhë ishte Astrit Fazliu që kaloi gjilanasit në epërsi 0-1.

Vendasit në minutën e 28-të mbetën me një futbollist më pak, pasi mesfushori Krasniqi u largua me karton të kuq nga loja.

Drita nuk u ndal dhe në minutën e 34-të realizuan golin e dytë, kur Marko Simonovski asistoi tek Hamdi Namani i cili realizoi nga afërsia për 0-2.

Pas golit të dytë Drita pati raste të mira me Hamdi Namanin e Ardian Limanin, por goditja e të parit shkoi jashtë, derisa e kapitenit u ndal nga shtylla.

Krejt në fund të pjesës së parë, Llapi fitoi penallti kur Alban Shillova u ndal në zonë nga Prince Balde.

Gjyqtari Genc Nuza pasi rishikoi rastin në VAR e përjashtoi nga loja, teksa Shillova realizoi për 1-2.

Me epërsinë e Dritës 1-2 përfunduan 45 minutat e para të kësaj ndeshje.

Pjesa e dytë u nis më mirë nga vendasit të cilët krijuan disa raste të mira shënimi.

Më i miri rast iu tregua sulmuesit Kastriot Selmani i cili nga një distancë prej pesë metrash në portën bosh qëlloi vetëm shtyllën

Vetëm një minutë më vonë, llapjanët përsëri tentuan të gjejnë golin, por topin nga vija fatale e largoi Ilir Blakçori.

Llapi pati një tjetër mundësi me Edon Sadriun, por që edhe goditja e tij u ndal nga shtylla.

Në minutën e 87-të Llapi gjeti golin e dytë me brazilianin Firminio, por që pas rishikimit në VAR goli u anulua për shkak të pozitës jashtë loje.

Kësisoj Drita mori një fitore tejet të madhe në udhëtim te Llapi me rezultat 1-3.

Me këto tri pikë, Drita ngritët në vendin e dytë në tabelë me 19 pikë, derisa Llapi mbetet në vendin e shtatë me 12 pikë.

Ndeshjen e radhës Drita e zhvillon ndaj Malishevës në Gjilan, teksa Llapi udhëton drejt Drenasit për tu përballur me Feronikelin.