Befason Capello: Realit nuk i duhet Kylian Mbappe

Ikona italiane, Fabio Capello, ka dhënë disa komente lidhur me situatën e fundit rreth skuadrës së Real Madrid dhe Kylian Mbappe.

Ish trajneri i Real Madrid beson se skuadrës spanjolle nuk i duhet aspak ylli i Paris Saint Germain, Kylian Mbappe.

Përkundrazi, Capello insiston se ‘Los Blancos’ duhet të shpenzojnë për të riparuar fazën defensive.

“Atyre do t’iu duhet kohë për të ndërtuar një skuadër të fortë. Madridit i duhen disa mbrojtës”, ka thënë Capello, transmeton Periskopi.

“Në sulm nuk kanë probleme. Edhe pa Mbappen. Ata kanë lojtarë interesantë”, shtoi italiani.

Real Madrid ishin gati të paguanin 180 milionë euro për kartonin e Kylian Mbappe gjatë kësaj vere, por PSG nuk e lëshoi lojtarin.

Thuhet se ‘Los Blancos’ nuk janë dorëzuar akoma dhe duan ta mbyllin transferimin e lojtarit qysh në janar. /Periskopi/