Klopp i mahnitur me Salah: Klas i pastër botëror
Jurgen Klopp e ka duartrokitur golin e jashtëzakonshëm të Mohamed Salahut në ndeshjen e të dielës kundër Manchester City.
Kryendeshja e kësaj jave në Ligën Premier ndërmjet Liverpoolit dhe Citizens në Anfield u mbyll me rezultat të barabartë (2-2), ku u shënuan disa gola të bukur.
“Nuk është goli i parë që (Salah) e shënon në këtë mënyrë. Mendoj se kundër Napolit dhe Tottenhamit ishin gola të ngjashëm, por është klas i pastër botëror, çfarë lojtari”.“Ai e ndërtoi për mrekulli edhe golin e parë për Sadio (Mane) dhe ishte po ashtu një gol i bukur”, ka deklaruar Klopp për BBC Radio 5Live.
