Inaugurohet Qendra Nacionale e Xhudos në Pejë
Sot është inauguruar Qendra Nacionale e Xhudos në Kosovë.
Në qytetin e Pejës, në prani të liderëve shtetërorë, trajnerit të xhudos Driton Kuka, mbretëreshës së xhuros Majlinda Kelmendi dhe xhudisteve tjera, është përuruar qendra nacionale e Xhudos, shkruan Periskopi.
Pas sukseseve të njëpasnjëshme në sportin e xhudos, ku u siguruan medalje të shumta nga Grand Prix, Kampionate Botërore, Evropiane e Lojëra Olimpike, sporti i xhudos në Kosovë është shpërblyer me një qendër nacionale.
Qendra Nacionale e Xhudos është bërë me bashkëpunimin e Ministrisë së Kulturës Rinisë e Sportit dhe Federatës së Xhudos së Kosovës.
Sporti i xhudos lartësoi disa herë flamurin e Kosovës, nëpër gara të ndryshme, në vende të ndryshme të botës. Qendra Nacionale e Xhudos do të mundësojë që të dalin sportistë e sportiste në numër më të madh. /Periskopi/
