Pamjet e reja tregojnë momentin kur Payet çmendet dhe i gjuan fansat me dy shishe, para se të shpërthente gjithçka
Ndeshja mes Nice dhe Marseille u përcoll me kaos absolut mbrëmë.
Nice udhëhoqi 1-0 falë një goli në pjesën e dytë nga Kasper Dolberg, por rezultati ishte irelevant, transmeton Periskopi.
Kur kishin mbetur diçka më pak se 20 minuta deri në fund, futbollisti i Marseille, Dimitri Payet mori rrugën për të gjuajtur një këndore.
Përgjatë tërë takimit, fansat e Nice kishin hedhur gjësende të forta në fushë në drejtim të futbollistëve të Marseilles.
Ishte vetëm çështje kohe para se të goditej ndonjë lojtar.
Dhe kjo i ndodhi Payetit, të cilin e goditi një shishe në qafë. Pasi ra në fushë, francezi u ngrit dhe i gjuajti fansat me po të njëjtat shishe që fillimisht ishin hedhur drejt tij.
Pastaj, kaos total.
Shumë fansa të Nice u futën në fushë, duke nxitur përplasje mes lojtarëve dhe fansave.
Gjyqtari eventualisht pezulloi takimin dhe drejtoi lojtarët në tunel.
Pas rreth një oreje, zyrtarët e Ligue 1 deklaruan se ndeshja duhet të ripërsëritet. Mirëpo, derisa lojtarët e Nice dhe gjyqtarët u rikthyen në fushë, Marseille nuk pati interesa të kthehej.
Gjyqtari ristartoi ndeshjen në mungesë të skuadrës së Marseilles, para se të jepte vërshëllimën e fundit.
Sipas rregullores, Nice do të regjistrojë një fitore 3-0 në tavolinë, por definitivisht ende nuk ka përfunduar çështja e kësaj ndodhie.
Pikërisht kur menduam se kishim parë secilën video të mundur nga ky incident i çmendur, është publikuar një tjetër nga një kënd i ri – tribuna.
E filmuar nga këndi ku Payet fillimisht u godit nga shisja, pamjet tregojnë sulmuesin e Marseilles të shtrirë para se të ngritej dhe t’ia kthej shishet me frustrim.
Pikërisht këtu eskalon situata siç mund ta shihni në videon e mëposhtme. /Periskopi.com/
Wild fan footage from the incident during Nice vs. Marseille yesterday ?
Dimitri Payet threw bottles back into the crowd after being hit by one while trying to take a corner.
(via @Floo_177)pic.twitter.com/pXVDL8N7PV
— ESPN FC (@ESPNFC) August 23, 2021
