Pamje: Tifozët futen në fushë dhe përleshen me futbollistë në ndeshjen Marseille – Nice
Ndeshja e Ligue 1 mes Marseille dhe Nice u ndërpre të dielën, për shkak se ekipi mysafir nuk pranoi të kthehej në fushë nga zhveshtorja pasi tifozët e Nice e kishin pushtuar fushën duke shkaktuar përleshje të madhe.
Gjyqtari i ra bilbilit në minutën e 75-të për ta ndërprerë ndeshjen përkohësisht dhe derisa lojtarët e Nice mbetën në fushë, ata të Marseille nuk lëvizën nga zhveshtorja e tyre.
Sipas ligjeve të Ligës së Futbollit Profesionist të Francës (LFP), Marseille e ka humbur ndeshjen me rezultat automatik 3:0.
Shumë tifozë të Nice hodhën gjësende të forta mbi lojtarët e Marseille, para se të futeshin në fushë me dhunë, pasi Dimitri Payet u ishte përgjigjur duke i gjuajtur me shishe uji.
Here’s what happened to #Payet.
Can understand why the Marseille players are upset…pic.twitter.com/6xz35uOcSN
— Robin Bairner (@RBairner) August 22, 2021
Tifozët e Nice hodhën gjësende ndaj lojtarëve të Marseille gjatë gjithë kohës dhe Payet u ktheu atyre pasi u godit te flamuri i kornerit në minutën e 74-të.
Pas çaste më vonë, tifozët e pushtuan fushën për t’u përleshur me lojtarët e Marseille.
Nice po fitonte 1:0 në kohën kur ndodhi incidenti.
Presidenti i Marseille Pablo Longoria iu kishte thënë gjyqtarëve në tunel pas pezullimit të përkohshëm të ndeshjes se ekipi i tij nuk do ta vazhdonte lojën.
“Ne nuk do të luajmë! Ne nuk do të luajmë!”, ishte dëgjuar ai duke thënë.
Por zyrtarët e LFP-së dhe të Nice këmbëngulën në vazhdimin e ndeshjes dhe si pasojë Marseille mori humbje me rezultat zyrtar 3:0.
The incident that caused the suspension of the Nice vs Marseille game.#OM#Ligue1UberEatspic.twitter.com/K1vUwOoCbC
— Matthew Bauer (@mattbauer__5) August 22, 2021
