Depay me disa akuza për Mourinhon, ia drejton gishtin për dështimin te Man Utd
Memphis Depay ka lëshuar disa akuza për Jose Mourinhon, lidhur me dështimin e tij te skuadra e Manchester United.
Depay shkonte tek United duke bërë bujë të madhe, por paraqitjet e tij në ‘Old Trafford’ nuk lanë shumë për të shpresuar.
Holandezi largohej nga ‘Djajtë e Kuq’ si një transferim i dështuar. Por, për këtë dështim sipas lojtarit fajin e mbanë trajneri Jose Mourinho.
“Jose Mourinho erdhi dhe unë luftova për t’u futur në skuadër, por mendoj se ideja për të më dhënë një shans nuk ishte kurrë në kokën e tij”, ka thënë Depay, transmeton Periskopi.
“Shkova në zyrën e tij, por nuk ndryshoi asgjë. Ishte periudhë e vështirë, ndjehesha sikur nuk kisha shanse. E vura re se nuk doja të isha në klub të madh nëse nuk kisha minuta”, shtoi holandezi.
Memphis tashmë ka kaluar te skuadra e Barcelonës ku e nisi mjaft mirë sezonin, me një fitore dhe asistim për shokët e skuadrës. /Periskopi/
