Lyon e nis sezonin me hap fals, barazon ndaj Brest
Olympique Lyon nuk e ka nisur më së miri sezonin e ri në Ligue 1.
Skuadra e Lyon nuk ka arritur më shumë sesa një barazim në ndeshjen e parë të sezonit të ri në Ligue 1 të Francës, duke luajtur 1:1 me skuadrën e Brest, shkruan Periskopi.
Ishin mysafirët ata që zhbllokuan rezultatin të parët, duke shënuar në minutën e 43’, përmes Cardona.
Lyon pati gjithë pjesën e dytë përpara për të përmbysur rezultatin, por në fakt ata nuk arritën më shumë sesa një barazim.
Slimani u përkujdes për golin e barazimit në minutën e 62’ dhe kjo ishte krejt çfarë treguan vendasit.
Kështu, Lyon merr vetëm një pikë në xhiron e parë, duke bërë hap fals qysh në start, ndonëse shiheshin favoritë për fitoren. /Periskopi/
