Cristiano Ronaldo shkatërroi rekordin 37-vjeçar, pasi fitoi ‘Këpucën e Artë’ në Euro 2020

Cristiano Ronaldo mund të mos e ketë fituar Euro 2020, por sulmuesi legjendar portugez prapë shijoi një kompeticion brilant.

Portugalia, fituese e Kampionatit Evropian më 2016, u eleminua nga kompeticioni i kësaj vere në fazën e eleminimit direkt nga Belgjika, transmeton Periskopi.

Por pavarësisht se luajti vetëm një ndeshje përtej grupeve, Ronaldo prapë arriti ta fitojë ‘Këpucën e Artë’ të Euro 2020.

Ylli i Juventusit shënoi pesë gola në tre ndeshje të fazës së grupeve për Portugalinë (dy kundër Hungarisë, një kundër Gjermanisë, dhe dy kundër Francës).

Sulmuesi i Çekisë, Patrik Schick ishte lojtari tjetër që shënoi pesë gola, por Ronaldo fitoi ‘Këpucën e Artë’ pasi portugezi gjithashtu kontriboi edhe me një asistim.

Ta fitosh ‘Këpucën e Artë’ në moshën 36-vjeçare është një arritje fenomenale.

Në fakt, Ronaldo shkatërroi një rekord 37-vjeçar, pasi fitoi këtë çmim.

Sipas ‘The Sun’, Ronaldo u bë lojtari më i vjetër që ka fituar ‘Këpucën e Artë’ në një Kampionat Evropian – dhe atë me një distancë të madhe.

Të shikojmë moshën e secilit futbollist që ka fituar ‘Këpucën e Artë’ në Euro, nga viti 1984.

Tomas Brolin (Euro 92) – Mosha: 22

Milan Baros (Euro 2004) – Mosha: 22

Marco van Basten (Euro 88) – Mosha: 23

Patrick Kluivert (Euro 2000) – Mosha: 24

Alan Shearer (Euro 96) – Mosha: 25

Antoine Griezmann (Euro 2016) – Mosha: 25

David Villa (Euro 2008) – Mosha: 27

Fernando Torres (Euro 2012) – Mosha: 28

Michel Platini (Euro 84) – Mosha: 29

Cristiano Ronaldo (Euro 2020) – Mosha: 36