Myrto Uzuni realizon het-trick për Ferencvarosin, Prishtina eliminohet nga Liga e Kampionëve

Myrto Uzuni ka shkëlqyer në Prishtinë, teksa ka realizuar het-trick për t’i dhënë skuadrës së tij Ferencvaros fitoren 3-1 në stadiumin Fadil Vokrri kundër kampionit në fuqi të Kosovës, Prishtinës.

Ndeshja nisi më mirë me vendasit që rrezikuan dy herë me Otto John.

Nigeriani fillimisht rrezikoi në minutën e tretë, por pa sukses, derisa në minutën e pestë shënoi, por që u anulua goli për pozitë jashtë loje.

Otto John pati rast tjetër të mirë në minutën e 16-të, por goditja e tij nuk ishte e saktë.

Rastin e vetëm të mirë mysafirët e patën dy minuta para fundit të pjesës së parë. Myrto Uzuni provoi të realizojë nga një goditje e lirë, por topi përplaset në murin e Prishtinës dhe del në goditje nga këndi.

Kësisoj 45 minutat e para të ndeshjes përfunduan ashtu siç filluan, me rezultat të pastër 0-0.

⏱ 48’ | 0️⃣-1️⃣ | GOAL! With Uzuni’s shot the lead is ours! ?#Fradi #ftc #ferencvaros pic.twitter.com/X4Xkx1zukR

— Ferencvárosi TC (@Fradi_HU) July 13, 2021

Me të filluar pjesa e dytë mysafirët gjetën golin, kur Myrto Uzuni realizoi në minutën e 49-të, për 0-1.

Sulmuesi i Kombëtares së Shqipërisë nuk festoi fare, për shkak të respektit për klubin kosovar.