Dhuroi një prej paraqitjeve më të mira në histori të Kampionatit Evropian, fjalët e Xhakës pas ndeshjes mbrëmë
Granit Xhaka është deklaruar për fitoren e Zvicrës ndaj Francës, aty ku arritën të mposhtin fituesin e Kupës së Botës me anë të penalltive, për të kaluar në çerekfinale.
Koha e rregullt përfundoi 3-3, në vazhdime nuk kishte gola, derisa ndeshja shkoi në gjuajtjen e penalltive, aty ku Helvetikët shënuan pesë, për dallim nga Les Blues që realizuan katër sosh.
Xhaka, që është edhe kapiten i skuadrës, ka thënë se ata kanë shkruar historinë dhe është shumë krenuar për ekipin dhe lojën e shfaqur.
“Është mrekullueshme, Ne kemi shkruar historinë, jemi të gjithë krenarë”, ka thënë mesfushori shqiptar që përfaqëson Zvicrën.
“Kemi shkruar historinë e këtij reprezentacioni. Tani kemi Spanjën në çerekfinale, do të jetë e vështirë, por ne po ëndërrojmë”, ka shtuar më tej ai.
Xhaka ishte lojtari i ndeshjes së mbrëmshme, pasi pranoi edhe çmimin nga UEFA, teksa dhuroi atë që po konsiderohet një prej paraqitjeve më të mira individuale në histori të Kampionatit Evropian. /Periskopi.com/
