Vuani nga pagjumësia? Hani makarona për darkë
A vuani nga pagjumësia dhe nuk dini çfarë të bëni më? Hani një pjatë makarona për darkë. Përveç lehtësimit të gjumit, ushqimi tipik i italianëve ndihmon në uljen e stresit dhe gjithashtu të peshës (nëse hahet në sasinë e duhur).
E thotë shkenca
Një numër i madh i studimeve shkencore të botuara po rivlerësojnë makaronat. Në veçanti, tre studime të botuara në revistën shkencore autoritare “The Lancet Public Health” kanë treguar se karbohidratet, veçanërisht makaronat, nëse konsumohen në darkë në mënyrë të moderuar, përmirësojnë çrregullimet e gjumit dhe lehtësojnë stresin dhe gjithashtu zvogëlojnë episodet e apnesë.
Triptofani dhe vitaminat B
Konsumi i makaronave lehtëson sintezën e insulinës, e cila nga ana e saj promovon thithjen e triptofanit dhe melatoninës, hormonit që rregullon ritmin e gjumit. Makaronat janë të pasura me triptofan dhe vitamina B, lëndë ushqyese që kryejnë funksione shumë të rëndësishme:
Triptofani është një pararendës i aminoacideve të serotoninës, një neurotransmetues që rregullon gjendjen shpirtërore, emocionet, gjumin dhe oreksin. Quhet gjithashtu “hormoni i humorit të mirë”;
Vitaminat B, të pranishme në sasi më të mëdha në makaronat integrale, nxisin relaksimin e muskujve – veçanërisht B1 – thelbësore për sistemin nervor qendror, i cili nga ana e tij stimulon prodhimin e serotoninës.
Të promovosh një gjumë të mirë do të thotë gjithashtu të mos shtosh peshë sepse, siç thotë eksperti Luca Piretta, nutricionist, gastroenterolog dhe anëtar i Bordit të Drejtorëve të Shoqatës Italiane të Shkencave të Ushqimit (SISA), “një gjumë i gjatë dhe restaurues është në përpjesëtim të kundërt me rritjen e peshës”.
“Fuqia hipno-induktive e makaronave”
Piretta kujton gjithashtu që për të kontrolluar ndjenjën e ngopjes, duhet të përtypet ngadalë dhe me kujdes. Me përtypjen, e cila është faza e parë e tretjes, ushqimi shtypet në copa më të vogla të cilat, duke rritur sipërfaqen e ekspozimit të ushqimit ndaj pështymës, bëhen më të lehtë për tu tretur. Dhe makaronat al dente kanë një qëndrueshmëri që i bën ato më rezistente ndaj përtypjes dhe për këtë arsye më të tretshme.
Për të rritur ndërgjegjësimin për përfitimet e një gjumi të mirë dhe të shëndetshëm të natës, Shoqata Botërore e Mjekësisë së Gjumit caktoi datën 19 Mars si Dita Botërore e Gjumit.
