Barcelona triumfon me përmbysje kundër Villarrealit, vetëm dy pikë larg vendit të parë

Barcelona ka arritur një fitore të madhe kundër Villarrealit si mysafire, në ndeshjen e vlefshme për javën e 32-të në La Liga.

‘Nëndetësja e Verdhë’ fillimisht kaloi në epërsi në minutën e 26-të përmes Chukuëezes, shkruan Periskopi.

Mirëpo, vetëm dy minuta më vonë Antoine Griezmann barazoi me një super parabolë, të cilën e realizoi pas krosimit gjenial të Minugezas.

Shtatë minuta më vonë, sulmuesi francez shënoi përsëri, teksa shfrytëzoi një gabim të tmerrshëm të mbrojtësit kundërshtar.

Me këtë fitore, Barcelona grumbullon 71 pikë dhe zë vendin e tretë, me goldallim më të dobët se Reali që ka po aq pikë, por madrilenët kanë një ndeshje më shumë të luajtur.

Blaugranët janë vetëm dy pikë larg Atletico Madridit, e cila poashtu ka 32 ndeshje të luajtura, krahas 33 të Real Madridit. /Periskopi.com/