Momenti kur u sulmua me gurë autobusi i Real Madridit në Liverpool
Mbrëmë, derisa autobusi i Real Madridit po shkonte drejt ‘Anfieldit’, u sulmua nga fansat e Liverpoolit me gurë.
Mikpritja e tifozëve të Liverpoolit nuk ka qenë e këndshme për futbollistët e Real Madridit para ndeshjes së kthimit në Champions League që u zhvillua në “Anfied”.
Ata janë pritur me flakadanë dhe disa objekte janë hedhur kundrejt autobusit duke ia dëmtuar dritaret. Si rezultat i kësaj së paku një xham i madh është thyer dhe disa të tjerë të dëmtuar.
Kjo nuk i pengoi futbollistët e as dekoncentroi, që arritën të ruajnë rezultatin dhe të kualifikohen në gjysmëfinale të Ligës së Kampionëve.
Sfida e kthimit u mbyll 0-0, derisa të parën Reali e kishte fituar 3-1.
Në gjysmëfinale, Madridi i Zinedine Zidane do të ketë punë me Chelsean e Thomas Tuchel.
? EL REAL MADRID, APEDREADO
? @jpedrerol alucina con la actitud de una niña… ¡UNA NIÑA! #JUGONES pic.twitter.com/8RUxqcAyUa
— El Chiringuito TV (@elchiringuitotv) April 15, 2021
