Zbulohen fjalët e fuqishme të Zidane për futbollistët para ndeshjes me Liverpoolin sonte
Trajneri i Real Madridit, Zinedine Zidane ka mbledhur lojtarët dhe i ka këshilluar para ndeshjes së dytë cerekfinale të Champions Leagues kundër Liverpoolit.
Biseda ishte e shkurtër dhe e drejtpërdrejtë, me francezin që i motivonte lojtarët përpara ndeshjes së sotshme ndaj Liverpoolit.
Fjalët e Zidane u zbuluan nga El Chiringuito: “Ne jemi të mirë, ne jemi të përgatitur dhe do të japim gjithçka nesër. Përqendrohuni në ndeshje, mentalitetin në lojë. ”
Los Blancos fituan ndeshjen e parë çerekfinale 3-1 ndaj Liverpoolit në kryeqytetin spanjoll dhe janë në rrugën e duhur për t’u kualifikuar.
Sidoqoftë, Zidane ka disa mungesa për këtë ndeshje, ku Eden Hazard, Dani Carvajal dhe Lucas Vazquez të gjithë të dëmtuar, ndërsa Raphael Varane dhe kapiteni i klubit Sergio Ramos të dy kanë Covid-19 dhe janë në vetë-izolim.
Ndeshja e sotme zhvillohet në “Anfield” me fillim nga ora 21:00.
