Ozili e feston fitoren e Real Madridit kundër Barcelonës

Mesut Ozil mund të jetë larguar nga Real Madridi shumë vjet më parë, por Real Madridi vazhdon të mbetet në zemrën e mesfushorit të Fenerbahces.

Ish-përfaqësuesi i Gjermanisë e përcolli me emocione El Clasicon e së shtunës, pjesë e së cilës ishte edhe vetë dikur, dhe iu gëzua triumfit të ish-klubit të vet.

Ozili e festoi fitoren e Real Madridit 2:1 kundër Barcelonës me një postim në rrjetet sociale.

Për më tepër, ish-ylli i Arsenalin mendon se Reali është tani favorit për ta fituar titullin në La Liga.

“Ndeshje e mahnitshme. Pikë të mëdha, shumë të mëdha. Favorit për titull tani”, shkroi Ozil në Twitter.

Ai mbeti i mahnit edhe me golin e Karim Benzemas, për të cilin shkroi: “Sulmuesi më i mirë në La Liga e tregoi klasin përsëri, djaloshi im Benzi”.

32-vjeçari i zhvilloi 159 ndeshje për Real Madridin gjatë qëndrimit trevjeçar, nga viti 2010 deri m2 2013, duke i shënuar 27 gola dhe 80 asiste. /Gazeta Express/