Rahoveci siguron gjysmëfinalen e Play offit
Skuadra e Rahovecit është kualifikuar direkt në gjysmëfinale të Play Off-it, pasi e mposhti rivalin direkt, Golden Eagle Ylli, me rezultat të thellë 84-70.
Vreshtarët janë bërë ekipi i dytë i kualifikuar direkt në gjymëfinale të Play Off-it, pas liderit, Ponte Prizrenit.
Rahoveci në këtë ndeshje mbizotëroi plotësisht, duke krijuar epërsi të konsiderueshme që nga fillimi, i cili më pas u thellua gradualisht.
Ylli me këtë humbje e përfundon pjesën e rregullt të kampionatit në pozitën e tretë, për të luajtur në çerekfinale të Play Off-it përballë Bashkimit.
