Fabinho lavdëroi këtë lojtar të Real Madridit në bisedën me Perezin në zhveshtore pas fitores kundër Liverpoolit

Vinicius Junior dhuroi qartazi paraqitjen më të mirë që prej transferimi te Real Madridi, në ndeshjen kundër Liverpoolit të martën mbrëma.

Real Madridi u fut në ndeshjen e parë çerekfinale të Champions Leagues kundër gjigantit anglez si jo favorit në letër, transmeton Periskopi.

Por ‘mbretërit’ arritën të triumfojnë 3-1, falë dy golave nga Viniciusi.

I riu brazilian kaloi në epërsi skuadrën e tij pas 27 minutave lojë, para se të realizonte golin e dytë në minutën e 68-të.

Jo befasisht, Vinicius u shpall ‘Njeriu i Ndeshjes’ për paraqitjen e tij. Dhe një prej kundërshtarëve të tij, Fabinho ishte shumë komplimentues për paraqitjen e bashkëkombasit pas takimit.

Mesfushori i Liverpoolit, i cili ka bërë vetëm një paraqitje për Real Madridin si i huazuar më 2013, është kapur nga kamerat duke bashkëbiseduar me Florentino Perezin pas ndeshjes.

Falë ‘Marca’, ne e dimë çka u tha mes tyre.

Duke rikujtuar kohën e tij në klub më 2013, Perez i tha Fabinhos: ”Me ne ti luajte si mbrojtës i djathtë.”

Fabinho pastaj përdori këtë koment për ta lavdëruar Viniciusin, i cili gjithashtu ishte prezent në bashkëbisedim.

”Po, por të luash mbrojtës i djathtë tani… çfarë lojtari keni me Viniciusin,” u përgjigj lojtari i Liverpoolit. /Periskopi.com/