Zyrtare: FFK përcakton datën e Kuvendit të Rregullt të Punës
Federata e Futbollit të Kosovës ka dalë me njoftim ku ka zyrtarizuar ditën e Kuvendit të Rregullt të Punës, shkruan Periskopi.
Për shkak të masave të reja të qeverisë anti Covid-19, mbledhja do të mbahet online dhe jo me prezencë fizike.
Më poshtë, njoftimi i plotë nga FFK:
\\Federata e Futbollit e Kosovës do ta mbajë Kuvendin e Rregullt të Punës, të enjten më 8 prill në orën 17:00. Përkundër përgatitjeve të plota dhe dëshirës së FFK-së që punimet e Kuvendit të mbahen me prezencë fizike, duke u bazuar në vendimin e fundit të Qeverisë për masat e reja anti-Covid19, punimet e Kuvendit do të mbahen në formën online./Periskopi.com/
