McGregor i drejtohet Khabibit: Kurrë mos harro kush të bëri, dole nga k*qet e mia irlandeze

Derisa UFC ende po reflekton në lajmin që askush nuk deshi ta dëgjojë pas komunikatës zyrtare të Khabibit për pensionim të premten, Conor McGregor ka hedhur sulmin e fundit drejt ish-rivalit.

Pasi presidenti Dana White konfirmoi më herët gjatë ditës pensionimin e rusit, nuk mbeti më vend për spekulime rreth rikthimit potencial të tij. Khabib nuk do të luftojë më përfundimisht, transmeton Periskopi.

Me një rekord të 29 luftave pa humbje, ndoshta lufta e tij më e madhe ishte me McGregorin, ku eskaloi situata në të gjitha ato që tashmë i dimë.

Derisa Khabibi ecën drejt perëndimit të diellit, McGregor i uroi rivalit të tij pensionim të lumtur, por nuk i rezistoi një sulmi të fundit.

McGregor shkroi në Instagram: ”Pensionim të këndshëm djalosh, të nuhas më vonë. Kurrë mos harro kush u fut në lojë dhe të bëri. Direkt nga k*qet e mia irlandeze.”

”Mos harroni njerëz, nëse urreni të humbni peshë shumë, krejt ajo që duhet të bëni është të kaloni një division më lartë. Bekimi i Zotit.” /Periskopi.com/