Real Madridi siguron fitore në kohën shtesë, Benzema heroi i vërtetë i ‘mbretërve’
Karim Benzema ‘i vetëm’ arriti t’ia sigurojë një fitore shumë të vështirë Real Madridit në shtëpi kundër Elches me rezultat 2-1.
Ishin mysafirët ata që të parët kaluan në epërsi përmes një goli nga Calvo në minutën e 61-të, shkruan Periskopi.
Kur i duhej më së shumti skuadrës së tij, në skenë doli Karim Benzema.
Ai fillimisht barazoi në minutën e 73-të, para se të shënonte golin e tri pikëve në minutën e parë të kohës shtesë.
Pas kësaj fitoreje, Reali ngjitet në vendin e dytë me 57 pikë, pesë më pak se Atletico Madridi në vendin e parë dhe një më shumë se Barcelona në vendin e tretë, por këto dy të fundit kanë nga një ndeshje më pak të luajtur aktualisht. /Periskopi.com/
