Milani siguron një barazim në ‘frymën e fundit’ kundër Man Unitedit në ‘Old Trafford’
Milani ka arritur të nxjerrë një barazim shumë domethënës si mysafir i Manchester Unitedit, në ndeshjen e parë të vlefshme për 1/8-tën e finales së Europa Leagues.
”Djajt e Kuq” kaluan në epërsi përmes një goli nga 18-vjeçari Diallo në minutën e 50-të, shkruan Periskopi.
Kur u duk se skuadra nga Mançesteri do të siguronte një fitore të vështirë minimale, Milani realizoi në kohën shtesë – saktësisht në minutën e dytë të kohës shtesë përmes Simon Kjaer.
Kështu, Milani ka një avantazh të theksuar për ndeshjen e kthimit falë golit si mysafir. /Periskopi.com/
