Kështu e komenton Ardian Nuhiu fitoren kundër Gjilanit sot
Trajneri i Dritës, Ardian Nuhiu, ishte shumë i kënaqur me fitoren e sotme ndaj Gjilanit.
Nuhiu pohoi se nuk u rrezikuan shumë nga Gjilani.
“Dua t’i përgëzoj djemtë për këtë fitore. Kemi luajtur një ndeshje të mirë. Gjilani nuk na rrezikojë shumë. Këtë fitore ia dedikojmë tifozëve “Intelektualët” të cilët nuk po mund të jenë në stadium për të na përkrahur, por sigurisht përkrahja e tyre është e madhe për ekipin”, tha Nuhiu.
Drita vazhdon të kryesojë renditjen tabelare në Superligë me 53 pikë, ndërkohë në xhiron e radhës udhëton në Suharekë për t’u përballur me Ballkanin.
