Këto janë fjalët e Koeman pas eleminimit të Barcelonës nga CL sonte

Ronald Koeman ka reflektuar pas eleminimit të Barcelonës nga PSG në fazën e eleminimit direkt të Champions Leagues, të mërkurën mbrëma.

Katalunasit u mposhtën me rezultat të përgjithshëm 5-2, derisa nuk arritën më shumë se një barazim 1-1 sonte në Paris, pasi ishin mposhtur 4-1 në ‘Camp Nou’ tre javë më parë.

Sidoqoftë, Ronald Koeman është shprehur i lumtur me paraqitjen e skuadrës së tij në takimin e dytë duke thënë se merituan më shumë, shkruan Periskopi.

”Ne u eleminuam por largohemi me një ndjenjë të mirë. Ishim superiorë në pjesën e parë, qëndrimi ishte fantastik dhe merituam më shumë,” u shpreh fillimisht tekniku holandez.

”Duhet ta nënvizojmë qëndrimin e kësaj skuadre. Natyrisht se jemi të trishtë, por ajo që treguam sot është shumë e rëndësishme. Duhet ta ruajmë këtë.”

Përndryshe, Kylian Mbappe shënoi për parisienët në minutën e 31-të, para se Lionel Messi të barazonte me një supergol nga distanca, gjashtë minuta më vonë.

Gjashtë herë ‘Topi i Artë’ zhgënjeu në kohën shtesë të pjesës së parë, pasi dështoi të shënonte nga penalltia. /Periskopi.com/